तिमी आमा कसैकी
तिमी छोरी कसैकी
तिमी बहिनी कसैकी
तिमी प्रेमिका कसैकी
तिमी श्रीमती कसैकी
तिमी बुहारी कसरी
तिमी बिना
अधुरो हुन्छ
घर पनि संसार पनि
भनिन्छ
शिव पनि शव हुन्
शक्ति बिना
सृष्टिको सुरुवात तिमीबाटै
आवश्यकताको आवास
तिमीबाटै
तर
तिमीलाई नै रोकिरहेछन्
धेरै ठाउँमा
धेरै बहानामा
धेरै आरोपमा
तर
यो संसार
यो समाज
यो घर
यो भान्छा
यी पुरुषहरू
भन्दा
धेरै पर छ तिम्रो जिन्दगी
रोक्न सक्दैन कसैले
अघि बढ्नै पर्ने छ तिमीले
तोडेर
यी रूढीवादी चलनहरू
यी मनका जलनहरू
यी सामाजिक दलनहरू
र विचार गर्नुपर्छ तिमीले
तिमीलाई
आमा
छोरी
बहिनी
प्रेमिका
श्रीमती
बुहारी
र
देवी
जस्ता नाना थरी नाताले
सजाएको छ कि
बाँधी राखेको छ।।