कहिलेसम्म हेरिरहने
म
द्रौपदीहरूको बेइज्जत
मेरो देशको दुर्गति
धर्मको हानि
राजनीतिको प्रपञ्च
सत्यको हार
अब सायद
समय आइसक्यो
शिव मेरो शिरमा
कृष्ण मेरो अगाडि
सायद चलाउनै पर्ने छ
मैले
यी धनुष बाणहरू
गर्नैपर्ने छ हत्या
दुशासनको उदण्डताको
दुर्योधनको घमण्डको
भीष्म जस्ता पुरानो प्रथाहरूको
द्रोणका ज्ञानहरूको
कर्णको भ्रमहरूको
सकुनीको खेलहरूको
सुरु गर्नुपर्छ
मेरै हातले विशाल युद्ध
भइसक्यो पञ्चजन्यको
शङ्खनाथ
बोलाइसके
कुरुक्षेत्रले फेरि एकपल्ट
सुरु गर्न
ए
क अर्को महाभारत